29 اگست بروز جمعہ، حلقۂ بزمِ مشاعرہ نے محترمہ وائس چانسلر پروفیسر ڈاکٹر عظمی قریشی کی سر پرستی میں عشرۂ رحمت اللعالمین ﷺ کے سلسلے میں شعبۂ اردو کے زیرِ اہتمام شاعری کے ایک بین الجماعتی مقابلۂ تحت اللفظ کا انعقاد کیا۔تقریب کا آغاز تلاوتِ کلامِ پاک سے ہوا جس کے بعد طالبات نے عقیدت و احترام کے ساتھ منتخب نعتیہ کلام بارگاہِ رسالت ﷺ میں پیش کیا۔ منصفین کے فرائض ڈاکٹر نورین رزاق اور ڈاکٹر ریحانہ کوثر صاحبہ نے سرانجام دیے جبکہ ڈین فیکلٹی آف اسلامک لرننگ اینڈ اورینٹل لینگویجز ڈاکٹر فلیحہ زاہرا کاظمی صاحبہ نے بطور مہمانِ خصوصی شرکت کی۔
مقابلے میں انٹر میڈیٹ کی مشفا کبیر نے اول پوزیشن حاصل کی جبکہ شعبہ اردو سے مریم شہزادی اور صبا مقصود دوسری اور تیسری پوزیشن کی حقدار ٹھہریں۔
مقابلے کے اختتام پر صدر شعبہ اردوڈاکٹر ریحانہ کوثر اورڈاکٹر فلیحہ زاہرا کاظمی صاحبہ نے حلقۂ بزمِ مشاعرہ کی اس علمی و ادبی کاوش کو سراہتے ہوئے اسے طالبات کی تخلیقی و روحانی صلاحیتوں کو اجاگر کرنے کے لیے ایک مثبت قدم قرار دیا۔ ۔آخر میں انچارج بزم مشاعرہ ڈاکٹر شاذیہ رزاق نے طالبات ،منصفین کرام اور مہمانان گرامی کا شکریہ ادا کیا ۔
